Siglir tar il cuntegn
cuntegn

Svizra Unda da grippa è a fin

Suenter 15 emnas è il dumber dals cas da suspect quest onn per la prima giada sut la valur d'epidemia, annunzia l'uffizi federal da sanadad.

Medicaments encunter la grippa.
Legenda: Quest onn ha la grippa cuzzà pli ditg ch'ils ultims onns. Keystone

Cumenzà aveva l'unda da grippa la penultima emna dal 2017. En la prima e segunda mesadad da schaner ha ella lura cuntanschì il punct culminant.
En tscherts chantuns datti però anc adina cas da grippa sporadics, tranter auter er en il Grischun.

L'emna passada han ils medis annunzià 6,5 cas da grippa sin 1'000 consultaziun, quai èn 47 cas sin 100'000 abitants. Tar in'epidemia vegnì discurrì tar 68 cas da suspect sin 100'000 abitants.

Quest enviern n'han betg tut ils meds da vaccinaziun protegì. La grippa da quest onn ha cuzzà pli ditg che quellas dals ultims onns.

RR novitads 21:00