Ultima filandaria en Svizra serra las portas

La davosa filandaria da mangola en Svizra serra sias portas. Il cussegl d'administraziun ed la direcziun da la Hermann Bühler AG a Sennhof sper Winterthur na vesan actualmain nagina pussaivladad da cuntinuar cun la filandaraia en Svizra. 139 emploiads perdan lur lavur.

vista sin ina maschina da filar

Legenda da maletgs: La filandaria da Hermann Bühler na vesa nagina pussaivladad pli da cuntinuar. Keystone

Svieutas pli bassas sin fundament d'adina pli paucs clients en l'Europa, la concurrenza creschenta ord pajais cun pajas bassas ed il ferm franc svizzer hajan engrevgià il manaschi d'ina filandaria en Svizra, uschia scriva l'interpresa. Els hajan tschertgà intensivamain schliaziuns, dentant senza success.

En la procedura da consultaziun cun il persunal vegn tschertgà schliaziuns. Ina fundaziun saja pronta per mitigiar cas da grevezza socials, uschia scriva l'interpresa.

La serrada duai capitar en etappas enfin la fin d'october. Il temp restant bastia per far las ultimas empustaziuns.

RR novitads 18:00