Siglir tar il cuntegn

Svizra Ulteriurs daners per l’infrastructura da viafier

Il Cussegl federal ha deliberà 235 milliuns francs per ulteriuras etappas per schlargiar l'infrastructura da la viafier. Ils daners culan en sis projects en la Svizra franzosa.

La rait da viafier.
Legenda: En la Svizra franzosa duai vegnir investì en l'infrastructura da viafier. Keystone

La pli gronda part da quests daners vegnan impundids per la construcziun d’ina punt da viafier da 1,2 kilometers. Uschia vegnan 100 milliuns francs duvrads per la punt tranter Losanna e Rennes. Grazia a la punt nova po er la capacitad da la staziun a Losanna vegnir augmentada. Uschia po il dumber dals trens regiunals ma surtut er internaziunals vegnir auzada. Planisà èn dapli trens en direcziun da Genevra, Yverdon, Berna sco er en direcziun dal Vallais.

RR novitads 17:00