Svizra - Ulteriuras 3 bancas svizras han chattà cunvegna cun USA
En la dispita da taglia cun ils Stadis Unids èn trais ulteriuras bancas svizras sa cunvegnidas cun las autoritads americanas. I sa tracta da la Banca chantunala dal Giura, la banca privata Reichmuth & Co e la Banca Intermobiliare di Investimenti e Gestione.
Tenor il Ministeri da giustia dals Stadis Unids paja la banca Reichmuth ina multa da 2,6 milliuns dollars e la Banca chantunala dal Giura 970'000 dollars. La Banca Intermobiliare na sto pajar nagut.
Fin ussa èn 29 bancas svizras sa cunvegnidas cun las autoritads americanas en la dispita da taglia.
