Siglir tar il cuntegn
cuntegn

Svizra Ulteriura panna tar l'examen dal numerus clausus

Tar ils examens d'admissiun per il studi da medischina hai er quest onn puspè dà ina panna. Singulas dumondas eran gia enconuschentas avant l'examen.

In candidat tar in examen.
Legenda: La funtauna da la sfessa è la medema sco gia avant in onn. Keystone

Ina firma aveva gia duvrà questas dumondas en in curs da preparaziun, ha confermà il gremi dals recturs da las universitads.

Las dumondas pertutgadas sajan ussa vegnidas stritgadas or dals resultats d'examen.

Betg l'emprim cas

Gia l'onn passà aveva pliras dumondas stuì vegnir stritgadas suenter l'examen. Era lura era la medema firma pertutgada. Pertge che quai è puspè stà pussaivel quest onn vegn il mument examinà.

RR novitads 11:00