Ulteriura fin d'emna cun bler traffic

Tant sin la ruta dal San Bernardino sco era avant il tunnel dal Gottard procura il traffic da vacanzas per colonnas.

colonna ad Erstfeld

Legenda da maletgs: L'emprima fin d'emna d'avust hai bain er da colonnas, ma betg uschè lungas sco qua ils 15 da fanadur ad Erstfeld. Keystone

Sin la ruta dal San Bernardino è l'entrada sin l'autostrada a Panaduz stada serrada sonda suentermezdi per in mument. Quai pervi da memia bler traffic. Er il tunnel sez è stà serra bun mes'ura pervi d'in vehichel cun ina panna en il tunnel. Il traffic ha cunzunt stagnà tranter Giuvaulta e Reichenau sco er tranter Pian San Giacomo ed il tunnel dal San Bernardino e tranter Nufenen ed il tunnel.

Colonnas er avant il tunnel dal Gottard

En direcziun nord hai dà colonnas da fin 10 kilometers ch'èn lura dentant sa reducidas en il decurs dal suentermezdi. En direcziun sid è la colonna creschida sin bun sis kilometers.

Motiv per ils impediments da traffic è cunzunt che blers returnan da las vacanzas. Tut en tut èn las colonnas da questa fin d'emna dentant bainquant pli curtas che l'ultima fin d'emna da fanadur.

RR novitads 17:00