Siglir tar il cuntegn

Svizra Ulteriur sustegn per la refurma da l’armada

La refurma da l’armada ch’il Cussegl federal propona, vegn en principi approvada da la cumissiun per la politica da segirtad dal Cussegl naziunal.

Tir obligatoric.
Legenda: La cumissiun dal Cussegl naziunal vul era mantegnair il tir obligatoric. Keystone

La cumissiun saja entrada en materia cun 22 cunter 2 vuschs, communitgescha il servetsch parlamentar a Berna. Ella n’ha anc betg finì sias discussiuns, resta dentant per gronda part sin la lingia dal Cussegl federal.

La refurma vul in armada pli pitschna, ma equipada cumplainamain e pronta per mobilisar spertamain. Ils puncts directivs ha il parlament gia decidì, ils custs n’astgan betg surmuntar 5 milliardas francs, ed il dumber da schuldada duai muntar a 100’000 persunas.

RR Novitads 12:00