A Genevra ha la polizia ruinà in'organisaziun da drogas. Il furnitur, in um da la Germania, ha 62 onns e viva dapi 4 onns en ina rulotta. El ha fatg cuntrabanda cun plirs 100 kilos cocain.
En pliras etappas èsi reussì ad equipas spezialas da la polizia da Losanna, Genevra ed il Vad d’identifitgar l’organisaziun da cocain. Quest’organisaziun era activa dapi il 2011 en l’intschess da Losanna e Genevra. La rauba vegniva importada da l'Ollanda.
Sco la polizia ha annunzià, èn 24 persunas vegnidas arrestadas.
