La procura publica ha confermà las retschertgas da la gasetta romanda «Tribune de Genève». L’um da 29 onns saja turnà da la Tirchia e tutgia tar l’opposiziun cunter l’anteriur president tunesian Bourguiba. La gasetta scriva ch'el saja probabel vegnì radicalisà da ses bab.
Tenor la polizia da Genevra è il dschihadist sgulà ils 30 d’october 2015 ad Istanbul «per far fatschentas, sco usità», vegn citada la mamma da l’arrestà. Sco cumbattant possedeva l’um illegalmain pliras armas. Quai è la finala er stà ina raschun che la procura publica ha la finala avert ina procedura d’inquisiziun.
Er l'ami è para stà en il dschihad
En il decurs da la procedura èn las autoritads fruntadas sin in ulteriur dschihadists ch’era gia vegnì arrestà il zercladur suenter ses return ord il dschihad. Ils dus umens duain avair enconuschì fitg bain in l’auter.
RR novitads 12:00