Siglir tar il cuntegn

Header

video
Daniel Koch: «Anc nagins tests positivs»
Or da News-Clip dals 21.02.2020.
laschar ir. Durada: 26 Secundas.
cuntegn

Uffizi federal da sanadad Pliras persunas svizras en quarantina

  • Tschintg Svizzers returnan oz enavos da la China en l'Europa. Suenter lur return en Svizra ston els star duas emnas en quarantina.
  • Plinavant stettian radund in tozzel Svizzers, ch'èn viagiads cun la cruschera MS Westerdam, en il mument sut quarantina.
  • Nua che las persunas sa chattan en il mument n'ha l'Uffizi federal da sanadad publica betg communitgà.

Il manader da la partiziun per malsognas transmissiblas tar il BAG ha infurmà oz davart la situaziun actuala en connex cun il virus da corona. Cunzunt en la Corea dal Sid saja il dumber d'infecziuns creschì l'ultim temp. En l'Europa na dettia dentant nagins novs cas. «In bun segn» ha ditg Koch. En Svizra na sajan anc naginas persunas vegnidas testadas positiv sin il virus.

Radund in tozzel Svizzers, ch'èn viagiads cun la cruschera MS Westerdam, stettian en il mument sut quarantina. Nua che las persunas sa chattan ha il BAG betg vulì tradir. Las persunas pertutgadas na dovrian numnadamin betg anc cameras.

RTR novitads 15:00

Artitgels legids il pli savens