Siglir tar il cuntegn

Header

cuntegn

Uffizi federal da cultura Carine Bachmann nova directura

La nova directura dal Uffizi federal da cultura ha num Carine Bachmann. Il Cussegl federal ha elegì ella la mesemna sco successura da Isabelle Chassot, ch'è vegnida elegida en il Cussegl dals chantuns.

Bachmann, ch'è dapi il 2011 manadra da la partiziun da cultura e digitalisaziun da la citad Genevra, cumenza il prim da favrer 2022 sia nova plazza. Fin lura vegn Yves Fischer, il substitut da la directura a manar il post.

Carine Bachmann ha studegià psicologia sociala, scienzias da film e dretg internaziunal. Ella ha cumenzà sia carriera sco manadra da program dal festival da film internaziunal Viper a Lucerna. En pli è ella stada responsabla da communicaziun e manadra da project per differentas organisaziuns nunguvernamentalas.

La dunna da 54 è bilingua, maridada e ha trais uffants. Ella adempleschia «grazia a sia gronda experientscha e ses contacts» las premissas per il post, hai num en la communicaziun dal Departament federal da l'intern.

audio
Per tadlar curt e cumpact
01:11 min, RTR Audio dals 24.11.2021.
laschar ir. Durada: 01:11 minutas.

RTR novitads 16:00

Artitgels legids il pli savens

Scrollar a sanestra Scrollar a dretga