Siglir tar il cuntegn

Svizra Uffizi da traffic ha inoltrà denunzia penala

L'Uffizi federal per traffic ha inoltrà ina denunzia penala pervia dal scandal da contabilitad tar «Auto da Posta». La denunzia è vegnida inoltrada tar la procura publica federala a Berna, ed er tar la procura publica dal chantun da Berna.

autos da posta mellens
Legenda: La firma «Autos da posta SA» duai avair confinanzià ils trajects privats cun gudogns illegals dals trajects subvenziunads. Keystone

La denunzia na sa drizza betg encunter «Auto Da Posta» mabain encunter nunenconuschent. L'Uffizi federal per traffic sco organ da surveglianza da fatschentas subvenziunadas ,ha sper quai era anc denunzià tut ils organs da lla «Posta Svizra SA» e da la «Auto da Posta SA».

Pussaivels delicts penals pudessan esser la violaziun dal dretg penal administrativ, delicts da cugliunaria e da documents uffizials sco è administraziun nuncorrecta.

La «Auto da posta SA» aveva durant plirs onns transferì gudogns da la sparta subvenziunada en la sparta betg subvenziunada. Da far gudogns en la sparta subvenziunada è però scumandà.

RR novitads 16:00