Siglir tar il cuntegn

Header

Navigaziun

cuntegn

Svizra Uffants sin fugia: Ina generaziun persa?

Uffants e giuvenils ch’èn creschids si en regiuns da crisas e catastrofas n'enconuschan savens nagut auter. La dieta da l'onn da l'agid umanitar Svizzer è sa deditgada a questa problematica. Perquai che precis la generaziun dals uffants e giuvenils duai reconstruir uss il pajais.

  • Mintga quart uffant crescha si en ina regiun da crisa u da catastrofa.
  • Sin l’entir mund èn radund 65 milliuns persunas sin fugia. Bundant la mesadad èn uffants e giuvenils sut 18 onns.
  • 2/3 da tut ils fugitivs èn fugitivs che fugian entaifer lur pajais.

Uffants e giuvenils en il center

Uffants e giuvenils sajan il pli periclitads tar crisas e catastrofas accentuescha l’agid umanitar da la Svizra a lur dieta da l’onn. Il tema dal onn stat sut il motto «speranza per uffants e giuvenils in crisas umanitaras».

Els sajan periclitads dad explotaziun, recrutaziun sfurzada, povertad, abus, malsegirezza ed els sajan ina generaziun persa. Dentant precis quella generaziun stoppia uss reconstruir e furmar lur pajais en l’avegnir.

En media va quai 17 onns enfin che quai dat soluziuns per fugitivs ni stgatschads e savens na datti betg grondas pussaivladads da scolaziun e furmaziun ed uschia era naginas perspectivas. Per betg perder tut il potenzial dals uffants e giuvenils saja uss da proteger, sustegnair e scolar els.

Tge fa la Svizra?

La Svizra emprova da gidar en in moda persistenta e durabla raquinta Manuel Bessler, il delegà da l’agid umanitar svizzer. Perquai saja quai impurtant dad investir en la furmaziun dals uffants perquai lez han enta maun il futur.

Avant 6 onns cura che la crisa ha cumenzà en Siria schevan ils uffants ch’els vegnian da Homes ni dad Aleppo o auters lieus en Siria. Sch’ins dumonda oz da nua ch’els vegnan aud’ins savens il num dals champs da fugitivs.
Autur: Manuel Besslerdelegià per l'agid umanitar e schef dal SKH

Cun quai emprova la Svizra da gidar a lunga vista. Quai fetscha l’agid umanitar cun investir en l’infrastructura. Scolas vegnan renovadas e ì vegn procurà ch’ils indriz sanitaris èn avant man. E da l’autra vart dovria quai persunal per l’instrucziun, uschè che l’agid umanitar tschertga magisters e scolescha quels.

L'agid d'urgenza

Quai è il corp da l'agid umanitar. Il corp svizzer d'agid umanitar è la part operativa da l’agid umanitara da la Svizra. Las persunas van al lieu per realisar projects da la Direcziun da svilup e da collavuraziun (DSC/DEZA) e da l'organisaziun da las Naziuns Unidas (ONU).

va regularmain en regiuns da crisas e catastrofas.
Legenda: Manuel Bessler va regularmain en regiuns da crisas e catastrofas. Keystone
La situaziun nua che quai dovra l’agid d'urgenza è fitg differenta. Per exempel en il Giapun tar l’accident da Fukushima eran nus mo ca. 2 mais al lieu. En Siria essans nus uss dapli che 6 onns vida far sulettamain lavur d’urgenza.
Autur: Manuel Besslerdelegià per l'agid umanitar e schef dal SKH

Al corp fan part var 700 persunas. Tut persunas che lavuran en Svizra per exempel sco architects, medis, pumpiers ni sin biro. Uschè ch’els èn experts en lur professiun. E precis quai saja l’impurtant di il schef dal corp d’agid umanitar Manuel Bessler, uschè possia mintgin gidar là nua ch’el è l’expert. Els hajan dentant anc survegni ina scolaziun supplementara per pudair reagir avant lieu di Manuel Bessler. L'on passà era il corp d'urgenza en tut circa 330 giadas en acziun.

La Svizra vul augmentar l’agid

Il Cusseglier federal Didier Burkhalter ha communitgà a la dieta dad augmentar ils daners per l'agid da svilup en il sectur da furmaziun per 50%.

Ils giuvens han grond potenzial per purtar pasch, svilup ed uschia da furmar il futur.
Autur: Didier BurkhalterCusseglier federal e schef dal departament federal d'affars exteriurs

RR actualitad 17:00