Siglir tar il cuntegn
cuntegn

Svizra Ueli Maurer vul restar quatter ulteriurs onns a Berna

Il cusseglier federal Ueli Maurer vegn a candidar per in'ulteriura perioda d'uffizi. Quai ha el confermà en in'intervista.

Ueli Maurer.
Legenda: A las duas periodas d'uffizi duai suandar ina terza. Keystone

In dals candidats tar las votaziuns per il Cussegl federal il 2019 vegn ad esser Ueli Maurer. Il politicher da la Partida populara svizra (PPS) vul restar en uffizi. Quai ha el confermà en in'intervista cun las gasettas «TagesAnzeiger» e «Bund».

Er sia partida giavischa sia candidatura. Il president da la PPS Albert Rösti ha ditg en intervista cun la gasetta «Le Temps» che la partida saja interessada che schebain Ueli Maurer (67), sco er Guy Parmelin (58) restan a Berna. Ils dus cussegliers da la PPS sajan en furma, la vegliadetgna n'importia betg.

Gia dapi il 2009 a Berna

Maurer è gia dapi il 2009 ina da las set fatschas dal Cussegl federal. Mo sia collega da la Partida cristiandemocratica svizra Doris Leuthard fa damai pli ditg part dal gremi.

En sia emprima perioda d'uffizi ha el represchenta la Svizra sco minister da defensiun, il 2016 ha il contabilist lura midà tar il departament da finanzas.

RR novitads 07:00