Siglir tar il cuntegn

Header

cuntegn

Svizra UBS sut la marella – puspè

Tenor insiders prenda la banca centrala dal Singapur sut la marella la UBS. L'UBS vegnia suspectada d'avair cuntrafatg a las regulaziuns davart il lavar daners tschuffs.

I giaja per transacziuns dal fondo statal da la Malaisia - ch'è scurlattà da scandals.

Sa verifitgeschia la reproscha stoppia l'UBS quintar cun chastis. En connex cun il scandal davart il fondo statal malaic han las autoritads svizras il davos serrà la banca tessinaisa BSI. A la BSI vegn reproschà d'esser stada involvida en transacziuns dubiusas dal fondo statal malaic.

Artitgels legids il pli savens