La banca gronda, UBS ha pudì augmentar ses gudogn en l'emprim quartal. Quai per 19% sin 1,5 milliardas francs. Quai ha la banca communitgà. Cun quai ha ella gudagnà dapli che durant l'entir onn passà. Là aveva la banca fatg in gudogn dad 1,37 milliardas francs.
Per il segund quartal fa l'UBS ina prevista reservada. Ils retgavs tar l'investment banking e l'administraziun da la facultad sajan per regla in zic pli bass che a l'entschatta da l'onn. Plinavant quinta la banca cun pli auts custs da finanziaziun che l'onn passà.
RR novitads 06:00