Siglir tar il cuntegn

Svizra UBS cumpra enavos emprestas da 16 milliardas francs

La banca gronda UBS planisescha da cumprar enavos atgnas emprests en la valita da 16 milliardas francs. La banca vul optimar uschia ils custs da tschains.

Il signet da la banca UBS.
Legenda: La banca UBS vul optimar ils custs da tschains. Keystone

La banca gronda UBS planisescha da cumprar enavos emprests anc pendentas d’ina valita da 16 milliardas francs. Las offertas pon vegnir inoltradas anc enfin ils 15 da december. La banca vul cudeschar ils custs da questa offerta anc el quartal actual, scriva la UBS.

Cun quest proceder veglia la banca optimar ils custs da tschains ma tuttina mantegnair sia ferma posiziun da liquiditad, finanziaziun e da chapital. Sin la quota da chapital da coc ha la recumpra dals emprests tenor la UBS sulet in'influenza marginala.

La CS va in’autra via

La CS, l'autra banca gronda svizra, ha gia communitgà avant in temp d'engrondir il chapital agen ed uschia finanziar la restructuraziun dal concern. L’emprima part da l’auzament da chapital è ida a fin il november.

RR novitads 09:00