Siglir tar il cuntegn

Header

Navigaziun

Logo da la banca UBS cun las 3 clavs.
Legenda: Er per il 2015 è la banca gronda UBS da buna speranza. RTR, G. Hosang
cuntegn

Svizra UBS augmenta gudogn sin 3,6 milliardas

La banca UBS ha fatg l'onn passà in gudogn net da 3,6 milliardas francs. Quai è in plus da 13% cumpareglià cun l'onn 2013. Il quart quartal ha la banca gronda svizra fatg in gudogn da 963 milliuns francs, communitgescha l'UBS.

Per l'onn da fatschenta 2014 propona la direcziun ina dividenda ordinaria da 50 raps per aczia. La fermezza dal franc sco era ils tschains negativs en la zona da l'euro possian d'ina vart metter sut squitsch la profitabilitad da l'UBS, la banca na midia dentant betg sia strategia.

Ulteriura procedura penala

La UBS sto far quint cun in'ulteriura procedura penala en ils Stadis Unids. En ses rapport dal quart quartal 2014 conferma l'UBS che las autoritads penalas investgigheschan en connex cun vaglias, uschnumnads "Bearer Bonds". La banca coopereschia cun las autoritads.

RR novitads 07:00