Siglir tar il cuntegn

Svizra UBI dat raschun ad in plant da la PPS

L'instanza independenta da recurs da radio e televisiun UBI ha dà raschun ad in plant da la Partida populara svizra PPS.

Pult cun microfon.
Legenda: UBI dat raschun a PPS (maletg da simbol). Keystone

En ina contribuziun da var 2 minutas e mez ch'è vegnida emessa ils 2 da matg avant la votaziun federala dals 21 da matg «Strategia d'energia 2050» en l'emissiun «HeuteMorgen» da Radio SRF ha la redactura ditg, che la PPS n'haja «segir betg raschun» cun sias calculaziuns da custs.

Valitaziun partischanta

Questa valitaziun mainia en errur e saja partischanta. La contribuziun haja violà l'obligaziun da premura. A questa conclusiun è la UBI vegnida venderdi a Berna e quai cun sis cunter trais vuschs. Ils aspects da l'ambient sajan vegnids a la curta en la discussiun. Las pli impurtantas dumondas da l'ambient sajan dentant vegnidas menziunadas e naginas da las duas partidas saja vegnida a la curta.

RR novitads 10:00