Siglir tar il cuntegn
Inhalt

Svizra Uber duai pajar AVS en Svizra

Tenor in'expertisa da l'Universitad da Basilea ageschia la firma d'intermediaziun da viadis cun auto Uber sco patruna en Svizra. Uschia sajan pajaments a l'assicuranza per vegls e survivents (AVS).

taxi cun logo che uber fatschia dumping
Legenda: L'expertisa sustegna l'opiniun dal sindicat Unia ch'aveva demonstrà il zercladur encunter la pratica da Uber. Keystone

L'intermediader da servetschs da taxi american, Uber, sa preschenta en Svizra sco patrun. Quai resulta d'in'expertisa ch'in professer da l'Universitad da Basilea ha fatg. Uber haja perquai da pajar las contribuziun d'AVS. Il sindicat Unia pretenda da las autoritads da stgaffir mesiras effectivas en l'economia digitala per la protecziun dals lavurants.

Regularmain chaus cotschens

Uber procura sin l'entir mund regularmain per chaus cotschens. L'interpresa intermediescha sur il smartphone incumbensas da transport tranter clients e manischunz. Uber na renconuscha ils manischunz dentant betg sco lavurants e na paja naginas prestaziuns da l'assicuranza sociala.

RR novitads 12:00