Siglir tar il cuntegn

Svizra Tuttina pli bia repatriaments che annunzià

Glindesdi ha l'Uffizi federal da statistica annunzià ch'i haja dà l'onn passà 1'210 giudicaments d'in repatriament obligatoric ed en 54% dals cas saja quest repatriament er vegnì realisà. En il rest dals cas saja ida en vigur la clausula da direzza. Quai ha chaschunà gronda critica.

placat cun dessignà ina famiglia
Legenda: Ils repatriaments dattan adina puspè da discurrer. Keystone

En spezial la PPS ha reagì e crititgà che la clausula da direzza vegnia applitgada memia savens. L'Uffizi federal da statistica è anc ina giada ì sur ils cudeschs ed ha uss curregì las cifras. Tenor las cifras actualisadas vegnan stgars 70% da las persunas bandischadas ed en bun 30% dals cas vegnia fatg diever da la clausula da cas da direzza.

La raschun per questa differenza: En l’emprima versiun aveva l’Uffizi federal da statistica integrà tuttas condemnaziuns cunter esters pervia da cugliunarias. La lescha pretenda dentant be da bandischar dal pajais sche la persuna sentenziada ha cugliunà l’agid social, las assicuranzas socialas ni taxas publicas.
RR novitads 18:00