Siglir tar il cuntegn

Svizra Tut sco fin qua

Tar las elecziuns da la regenza en il Tessin ha la Lega dei Ticinesi il nas davanttiers. Tenor ina emprima calculaziun dal biro d'elecziun chantunal, fa la Lega 27,08 % da las vuschs e po uschia salvar ses segund sez en la regenza.

quintar cedels d'elecziun..
Legenda: Ils Tessinais han votà, ma anc betg tut ils cedels èn dumbrads or. Keystone

Sin ils chaltgogns da la Lega èn ils liberaldemocrats cun 26,47 %. Da raschun vegn la cumposiziun da la regenza en il Tessin uschia a restar la medema sco fin qua. La Lega vegn represchentada da Norman Gobbi e Claudio Zali. Per la PLD vegn da nov Christian Vitta a seser en la regenza. Da spetgar è che la PCD e la PS èn represchentads sco fin qua cun in sez.

En il Tessin han ins pudì votar il 2015 per l’emprima giada per brev. En la calculaziun n'èn las vischnancas Lugano e Mendriso anc betg cumpigliadas. La participaziun a las elecziuns giascha fitg probabel cleramain sur la valur da 2011, lura avevan elegì 58 % dals votants.

RR novitads 18:00