Siglir tar il cuntegn
cuntegn

Svizra Turitg: Rait d’electricitad funcziuna puspè

Sin l’entir territori da citad da Turitg è stada interrutta l'electricitad la sonda saira da las 19:50 a las 22:28.

Trams che stan salda.
Legenda: E lura n'han els betg pli sa muentads ... da l'interrupziun en la rait electrica èn stads pertutgads tut ils trams da la VBZ. Keystone

La rait saja vegnida interrutta durant in temporal intensiv tras in chametg, ha communitgà l’Ovra Electrica da Turitg EWZ la sonda saira. Las 22:28 sajan però tut las 11 staziuns da redrizzaders stadas puspè vi da la rait.

Pertutgada il pli fitg da l’incap è stada la rait dal traffic public VBZ. Tut ils trams èn stads saldà là nua ch’els sa chattavan gist. A la staziun principala da Turitg HB èn sa stizzadas curt las glischs. Che la glisch possia tremblar u las segirezzas possian siglir sco al HB sajan ulteriuras consequenzas, sche la tensiun en la rait crodia ensemen.

Il traffic da tren percunter na saja betg stà pertutgà da l’interrupziun, scrivan las Viafiers federalas SBB.

RR novitads 06:00