Siglir tar il cuntegn
Inhalt

Svizra Tunnel dal Gottard stà serrà pervi d'ina panna

Pervi d'in defect ha in camiun bloccà il traffic sin la colliaziun nord-sid dal tunnel dal Gottard. Sonda suentermezdi, curt suenter l'ina e mesa è il camiun stà fermà en il tunnel. Il tunnel ha sinaquai stuì vegnir serrà.

Colonna davant il tunnel dal Gottard - Per ir en il sid dovri pazienza gia in'emna avant Pasca.
Legenda: Per ir en il sid dovri pazienza gia in'emna avant Pasca. Keystone

Questa panna ha pretendì anc dapli pazienza dals viagiaturs. Avant il portal nord dal tunnel dal Gottard avevi gia dà l'avantmezdi colonnas da 12 kilometers. Curt suenter las indesch avevi ina colonna da radund 13 kilometers. Ils viagiaturs han stuì quintar cun in temp da spetga tranter Erstfeld e Göschenen d'enfin duas uras, quai communitgescha il servetsch da traffic dal TCS sin sia pagina d'internet. L'entrada Göschenen è stada serrada. Als automobilists è vegn cusseglià da sviar sin l'autostrada A13 via il San Bernardino.

RR novitads 11:00+