Siglir tar il cuntegn
Inhalt

Svizra Tunnel da basa dal Ceneri finì endadens

Bun in onn suenter ch’il tunnel è vegnì perfurà è uss er vegnì montà en il tunnel ost l’ultim bloc da betun. Fin uss èn tenor l’ Alptransit vegnids duvrads passa in milliun meters cubic betun.

Simoni cun ina charretta.
Legenda: Ina pitschna part da passa in milliun meters cubic betun – Renzo Simoni da la Alptransit en il tunnel da basa dal Ceneri. Keystone

Tenor ina communicaziun da l’Alptransit sajan uss fatgas las construcziuns internas dal tunnel. En ina proxima fasa fin il 2019 duai la tecnica per la viafier vegnir installada: Quai èn l’emprim ils binaris e suenter tut la tecnica da tren, che sa chatta en il arvieut dal tunnel.

Il tunnel dal Ceneri ha ina lunghezza da 15,4 kilometers e serra la transversala da viafier tras las alps. El duai esser a fin il 2020 – 28 onns suenter ch’il suveran svizzer ha vuschà l’onn 1992 per la uschenumnada NEAT.

RR novitads 15:00