Siglir tar il cuntegn
Inhalt

Svizra Tschiffà laders al cunfin en la Val dal Rain Songagliaisa

Las ultimas emnas ha la guardia da cunfin en la Val dal Rain songagliaisa tschiffà pliras persunas cun rauba engulada – tranter auter in equipament da golf en ina valita da passa 25'000 francs.

Guardia da cunfin.
Legenda: Tenor l'Administraziun federala da duana ha la guardia da cunfin en 8 cas chattà utensils per rumper en e rauba engulada. Administraziun federala da duana

Tar in Brit ch'ha vulì passar il cunfin ad Au ha la guardia da cunfin chattà in equipament da golf en ina valita da passa 25'000 francs. L'um scrit ora per l'arrestaziun aveva gia in scumond d'entrar en Svizra.

Tar ulteriuras controllas ha la guardia da cunfin tranter auter chattà rauba en in minibus che ha vulì bandunar la Svizra da la Bosnia: vestgadira, velos sco era artitgels da sport e cosmetica en la valita da plirs dieschmillis francs.

RR novitads 11:00