Siglir tar il cuntegn
cuntegn

Svizra Tschains stabils en Svizra - er ils proxims mais

Er il proxim temp resta il tschains da referenza tar 1,75%. Quai ha l'Uffizi federal per fatgs d'abitaziuns decidì.

Divers formulars per locataris en diversas colurs èn deponids sin ina curuna da paraid.
Legenda: Ils tschains per locataris restan stabils. Keystone

Cunquai ch'il tschains da referenza n'è betg sa midà dapi il quartal passà n'han ils locataris nagin dretg sin ina reducziun dals tschains. Quest dretg han els mo sch'il tschains da locaziun n'è betg actual, vul dir sch'el sa referescha sin in tschains da referenza pli aut e sch'il locatur profitescha entras quai d'in gudogn exagerà.

L'onn 2008 era il tschains ipotecar sa sbassà sin la mesadad. Dapi lura è quest tschains adina mo sa reducì. Il zercladur da l'onn passà è il tschains da referenza vegnì fixà sin 1,75%. L'associaziun da locataris spetga ch'il tschains sa sbassia danovamain il mars ubain il zercladur 2017. En quest cas stuessan ils tschains da locaziun en Svizra sa sbassar en l'entir pajais, pretenda l'associaziun.

RR novitads 12:00