Siglir tar il cuntegn

Header

cuntegn

Tschains negativs Banca naziunala svizra resta tar tschains directiv da -0,75%

La Banca naziunala svizra (SNB) resta fidaivla a sia politica monetara: Ils tschains negativs restan tar 0,75 pertschient. Quai ha communitgà la banca centrala. Tenor la SNB è il franc svizzer anc adina survalità. Perquai vegnia la banca naziunala ad intervegnir vinavant al martgà da devisas, sche quai saja necessari. Actualmain correspunda in franc a 97 cents.

Scenari che la conjunctura sa revegn malgrà la guerra

Ils pretschs d'energia vegnian bain a restar auts pervi dal conflict tranter la Russia e l'Ucraina, ma tuttina quinta la banca naziunala il mument anc che l'economia globala sa revegni vinavant. Ils pretsch auts per energia e per materia prima saja actualmain era quai che tutgia il pli ferm la Svizra sco consequenza da la guerra. Uschiglio sajan ils lioms economics directs da la Svizra cun las partidas da conflict plitost pitschnas.

La SNB punctuescha però er che las prognosas sajan fitg malsegiras. Tut tenor co la guerra sa sviluppia possia la situaziun economica vegnir pulit mendra che prognostitgà. Cunzunt sch'il conflict escaleschia vinavant pudessia ina mancanza da materia prima laschar crescher pli fitg l'inflaziun.

audio
Per tadlar: Las novitads da las 10:00
ord RTR Audio dals 24.03.2022.
laschar ir. Durada: 3 minutas 9 Secundas.

RTR novitads 10:00

Artitgels legids il pli savens