Svizra - Tschains da retard vegn pajà enavos ad interpresas svizras
Interpresas svizras survegnan enavos retroactiv radund 600 milliuns francs da l'administraziun da taglia federala. I va per tschains da retard ch'ils concerns han stuì pajar ils ultims tschintg onns sch'els han manchentà in termin per annunziar pajaments da dividendas interns.
Il Cussegl dals chantuns è suandà la lingia dal Cussegl naziunal cun 27 a 13 vuschs (5 abstenziuns).
La midada da la lescha pertutga il process d’annunziar la taglia anticipada. Enstagl d’annunziar quellas pon interpresas affiliadas annunziar pajaments da dividendas internas a l’uffizi da taglia.
En il futur na ston las interpresas betg pli pajar il tschains da retard da 5%, er sche l’annunzia succeda suenter il termin da 30 dis.
Cunter l'effect retroactiv era s'exprimida la sanestra.
