- Il tschains da referenza è uschè bass sco anc mai: 1,5%
- Experts quintavan gia il mars cun ina reducziun.
- Dapi dus onns è il tschains restà tar 1,75%.
- Mintga quartal calculescha l'Uffizi federal d'abitaziuns (UFAB) il tschains danovamain.
Il tschains da referenza croda per l'emprima giada dapi il zercladur 2015 per in quart punct e munta da nov 1,5%. Quai communitgescha l'Uffizi federal d'abitaziuns. La reducziun è vegnida spetgada sin fundament dal svilup dal tschains. Gia il mars ha mancà mo pauc per ina reducziun.
Il nov tschains da referenza vala a partir da venderdi. Quai munta per ils locataris ch'els san da princip pretender ina reducziun dal tschains per bunamain 3%.
Dapi ch'il tschains da referenza per ipotecas è vegnì introducì il 2008 è el adina mo ì a bass. A l'entschatta era quel anc tar 3,5%. Dapi lu è il tschains adina sa sbassà pli e pli fitg.
RR novitads 09:00