Siglir tar il cuntegn

Header

cuntegn

Svizra Tsanfleuron: Chattà duas baras da glatscher

Sin il glatscher Tsanfleuron sur Les Diablerets en il chantun Vad en vegnidas chattadas duas baras, probabel dal 1926.

I sa tractia d'in um e d'ina dunna, ha confermà il directur da las pendicularas Glacier 3000 in rapport da la gasetta Le Matin. Las duas baras sajan vegnidas scuvridas d'in manischunz d'ina maschina da pista.

I vegn supponì che las baras tutgan tar ina squadra da suga ch'è sparida l'onn 1926 en questa regiun. Probabel èn las persunas crudadas en ina sfessa. La ruta è vegnida nizzegiada pli baud sco colliaziun a pe tranter il chantun Berna ed il Vallais.

Las baras vegnan ussa intercuridas a l'Institut da medischina legala a Lausanne. Silsuenter vegnan ils resultats cumparegliads cun las glistas da persunas sparidas dals ultims decennis.

RR novitads 06:00

Artitgels legids il pli savens