Siglir tar il cuntegn

Header

cuntegn

Svizra Trump duai vegnir «Persona non grata»

Tenor l'organisaziun Campax pretendan radund 9500 persunas en ina petiziun online ch'il cussegl federal duai declerar il president american Donald Trump sco «Persona non grata».

In tozzel activists han surdà la petiziun glindesdi a la chanzlia federala. Cun rimnar suttascripziuns han els reagì sin il decret da Trump da scumandar a persunas da set pajais muslims d'entrar en ils Stadis unids.

Quai saja in act betg tolerabel cunter la dignitad umana e la libertad da religiun.

Glindesdi en damaun è la petiziun cun las stgars 10’000 suttascripziuns vegnida inoltrada tar la Chanzlia federala a Berna. Rimnà las suttascripziuns è vegnì las ultimas duas emnas.

RR novitads 18:00

Artitgels legids il pli savens