Siglir tar il cuntegn

Header

Navigaziun

Michael Lauber.
Legenda: Michael Lauber. Keystone
cuntegn

Svizra Tribunal penal federal refusa plant da Lauber

Il procuratur public general Michael Lauber ha incassà ina schleppa davant il Tribunal penal federal. El e dus da ses collavuraturs na pon vinavant betg sa participar a las examinaziuns enturn la FIFA.

La chombra d'appellaziun dal Tribunal federal n'è betg entrada en ina dumonda da revisiun dal procuratur public general, Michael Lauber. Quel aveva dumandà d'abolir las decisiuns, pervi da las qualas el e dus da ses collavuraturs han stuì prender recusaziun en ils cas da la FIFA.

Ils 17 da zercladur aveva il Tribunal penal federal decidì che Lauber stoppia prender recusaziun – vul dir s'abstegnair – en ils cas che pertutgan la FIFA.

Curt suenter questa decisiun era il procuratur public general Lauber vegnì a savair, ch'il parsura da la chombra da recurs dal Tribunal penal, Giorgio Bomio-Giovanascini, saja s'exprimì a moda negativa davart Lauber. Sa basond sin questas infurmaziuns, vuleva Lauber far valair che Bomio saja stà partischant en sia decisiun e che quel avess stuì prender recusaziun.

Perquai ch'i sa tracta tar las decisiuns dispitaivlas betg da sentenzias cun cundiziuns per la cassaziun, n'è la dretgira gnanca entrada en chaussa. Lauber po dentant anc trair enavant la decisiun davant il Tribunal federal.

RR novitads 14:00