Siglir tar il cuntegn

Header

cuntegn

Svizra Tribunal federal tira cunfin per novas annunzias da IV

Il Tribunal federal ha refusà la dumonda d'ina dunna che vuleva laschar giuditgar da nov ses dretg sin ina renta d'invaliditad. La dunna che patescha da mals psicosomatics n'aveva l'onn 2011 survegnì nagina renta d'invaliditad.

Il Tribunal federal a Losanna.
Legenda: Nagin dretg sin ulteriur'annunzia: Il Tribunal federal n'ha betg decis en favur da la dunna. Keystone

Dus onns pli tard (2013) ha la dunna repetì sia dumonda, era lezza giada senza success. Silsuenter aveva ella inoltrà il cas al Tribunal federal.

Era sch'il Tribunal federal ha entant midà sia pratica da giuditgar, ha el uss snegà a la dunna il dretg da s'annunziar da nov tar la Assicuranza d'invaliditad. Giuditgar da nov saja mo pussaivel, sch'il stadi da la persuna saja sa midà.

I na dat pia nagin automatissem per retschaiver ina renta d’invaliditad.

RR novitads 15:00

Artitgels legids il pli savens