La sentenzia en connex cun l'organisaziun ch'ha cumbattì sin l'insla Sri Lanka per l'independenza, ils Tamil Tigers va en ina proxima runda. Il Tribunal federal a Losanna vegn a stuair s'occupar da la dumonda sch'ils Tamil Tigers èn ina organisaziun criminala u betg. La procura publica federala tira vinavant la sentenzia dal Tribunal penal federal dal zercladur passà, in pledader da la procura publica ha confermà tals rapports da gasettas. Il tribunal penal era en emprima instanza vegnì a la conclusiun ch'ils Tamil Tigers na sajan betg da vesair sco organisaziun criminala ed uschia declerà liber ils 13 accusads en quest punct.
RR novitads 11:00