Siglir tar il cuntegn
Inhalt

Svizra Tribunal federal decida en favur da purtar faziel da chau

Durant plirs onns ha in toc taila procurà per ina dispita giuridica en il chantun da Son Gagl. Ina giuvna da cardientscha muslima vuleva ir a scola cun in faziel da chau. Suenter pliras sentenzias da la preinstanza ha il Tribunal federal oz decis: il scumond da faziel da chau n’è betg lubì.

4 dunnas giuvnas cun in faziel da chau.
Legenda: Observadras dal process avant la lavur administrativa a Son Gagl, il november 2014. Keystone

En rom d’ina consultaziun publica ha il Tribunal decis oz avant mezdi, ch’i è lubì da purtar in faziel da chau durant l’instrucziun.

Decisiun è stada clera

Tenor la dretgira blessa il scumond la libertad religiusa a moda sproporziunada. La decisiun è vegnida prendida cun 4 cunter 1 vusch. Adumbatten aveva il derschader inferiur insistì, che leschas stoppian valair per tuts e ch’i ha duess betg dar excepziuns – era betg pervi da motivs religius. La maioritad n’ha betg vis ina raschun per in scumond da faziel da chau per scolaras en scolas publicas.

Be in privel concret per la pasch religiusa u motivs da segirezza possian excepziunalmain giustifitgar in scumond da faziel da chau, uschia il Tribunal federal.

Las reacziuns sin la decisiun èn differentas

Las organisaziuns da l'islam en Svizra beneventan la decisiun. In scumond da purtar faziel saja ina limitaziun da la libertad da cretta e da religiun. La vischnanca da scola pertutgada a Sankt Margrethen en il chantun Son Gagl deplorescha percunter che l'integraziun daventia pli difficila.

RR novitads 14:00 / 17:00