Svizra - Tribunal administrativ federal en favur da l'allianza da reclama
Il Tribunal administrativ federal ha decis ch'i n'è betg necessari da prender mesiras da prevenziun en la dispita davart l’allianza da reclama da l'SRG/SSR, Ringier e Swisscom . Anc betg cler è sche Tamedia e l’associaziun da medias svizras vegnan acceptadas sco partidas da process.
Tranter auter pretenda il concurrent Tamedia e l’associaziun da medias svizras che l’SRG/SSR na dastgia betg far part a l’allianza da reclama planisada. Els avevan perquai pretendì mesiras correspundentas fin che la procedura da recurs è a fin. Tamedia e las ulteriuras partidas teman da vegnir dischavantagiadas.
