Siglir tar il cuntegn
cuntegn

Svizra Trens tranter Basilea e Turitg circuleschan puspè

Il disturbi sin la lingia da viafier tranter las duas citads è schlià.

Staziun principala da Turitg.
Legenda: Pervi d'in fieu a Brugg AG è il traffic da trens tranter Basilea e Turitg stà disturbà venderdi en damaun. Entant circuleschan tut ils trens tenor urari (archiv). Keystone

Pervi dad in incendi a datiers dals binaris a Brugg en il chantun Argovia hai dà impediments sin la lingia da viafier tranter Basilea e Turitg. La raschun saja stada in incendi datiers dals binaris a Brugg. Quai ha communitgà la polizia chantunala d’Argovia. Ina buttiglia da gas haja piglià fieu sin in plazzal.

La staziun da Brugg è en consequenza stada serrada fin las 07:30. Differents trens interregiunals e regiunals sajan crudads ora. Uschia sajan er ils trens da Basilea a la plazza aviatica da Turitg crudads or tranter Frick e Dietikon. Quai ha communitga la SBB. Tut ils trens circuleschan entant puspè tenor urari.

RR novitads 07:00