Siglir tar il cuntegn

Svizra Travail.Suisse tema in nov boom da bunificaziuns

L'uniun tetgala dals sindicats svizzers, Travail.Suisse fa quitads ch'i pudess dar in proxim boom da bonus tar las pajas da managers. La differenza tranter la paja la pli auta e la pli bassa saja creschida uschè fitg sco dapi tschintg onns betg pli. En media muntia il plus a 9%.

ina pluna da bancnotas
Legenda: Da 27 interpresas examinadas han 19 auzà la paja da lur schefs, tar 3 interpresas è la paja stada stabila. Keystone

Da las 27 interpresas examinadas hajan 19 auzà la paja dals schefs, quai resulta dal nov studi da Travail.Suisse. La pli gronda differenza tranter la paja la pli auta e la pli bassa ha la banca Credit Suisse cun 1:363. Sper la paja fixa e la bunificaziun ha il nov schef Tidjane Thiam era survegnì ina cumpensaziun da las perditas ch'el ha sin fundament da la midada tar la CS.
L'iniziativa da raffaders n'haja pia gì nagin'influenza per tegnair en frain las bunificaziuns. Ussa saja la politica dumandada, uschia l'uniun tetgala.

RR novitads 12:00