Ils sindicats laschan dentant valair ch'il ferm franc augmenta il squitsch sin las interpresas. Els èn perquai pronts da desister sin augments da paja, sche interpresas han da cumbatter per l’existenza. Proteger las plazzas da lavur haja prioritad, scriva l’uniun tetgala dals sindicats svizzers Travail.Suisse.
Betg crisa pli gronda
Cun ina crisa pli gronda da l’economia publica na saja dentant betg da quintar. Perquai vesa Travail.Suisse per ils blers lavurers, malgrà il ferm franc, in augment da paja da 0,5 fin 1,5% da las proximas rundas da paja.
RR novitads 11:00