Transparenza tar il tschains da locaziun na fa betg da basegn

In locatur na sto betg communitgar ad in nov locatari, quant aut ch’il tschains dal locatari vegl era, quai vul il Cussegl naziunal. Cun 106 cunter 83 vuschs ha el refusà da reveder la lescha da locaziun.

Formular per inditgar il tschains da locaziun precedent.

Legenda da maletgs: Plirs chantuns enconuschan gia tals formulars. Keystone

Il Cussegl naziunal na suonda uschia betg a la proposta dal Cussegl federal dad introducir en l’entira Svizra l’uschenumnada obligaziun da formulars. Il Cussegl federal vuleva uschia cuntanscher tschains da locaziuns pli bass.

La maioritad dal Cussegl naziunal ha argumentà che gia oz stoppia il locatur dar conuschent il tschains sin dumonda. Las novas formalitads chaschunian sulet dapli lavur administrativa e frainia las investiziuns en il martgà d’abitaziuns. Sco proxim sa fatschenta il Cussegl dals chantuns cun la revisiun da la lescha da locaziun.

RR novitads 14:00