Siglir tar il cuntegn
cuntegn

Svizra Transocean gudogna vinavant

Malgrà la situaziun difficila sin il martgà d'ieli noda Transocean vinavant in gudogn.

Ina plattafurma d'ieli dal concern Transocean a Rio de Janeiro
Legenda: Ina plattafurma d'ieli dal concern Transocean a Rio de Janeiro Keystone

Sut il stritg ha il concern che ha sia sedia a Zug gudagnà 249 milliuns dollars ils emprims trais mais da l'onn. Il medem temp da l'onn avant aveva Transocean anc nudà ina perdita da 483 milliuns. La svieuta è dentant sa reducida da 2,04 milliardas sin 1,34 milliardas dollars.

Sco quai che la firma communitgescha hajan ins d'ina vart pudì profitar d'effects da taglia e da l'autra vart hajan ins gì damain custs operativs e da mantegniment.

Dapi la fin avrigl n'è il concern Transocean betg pli quotà a la bursa svizra. Las aczias vegnan mo anc commerziadas via NYSE.

RR novitads 09:00