Siglir tar il cuntegn
Inhalt

Svizra Trais morts tar delict da violenza ad Unterseen BE

Dus umens ed ina dunna èn sco para vegnids las unfrendas d'in delict da violenza la sonda damaun, quai ha communitgà la polizia chantunala da Berna. Sco i para sajan las persunas stadas enconuschentas ina a l'autra. I na dettia nagins indizis che terzas persunas sajan stadas involvidas.

Ina fotografia da chasas ad Unterseen.
Legenda: Trais morts – probablamain in drama da famiglia. Keystone

La polizia chantunala saja vegnida clamada la damaun las 05:15 uras. Els hajan survegnì l'annunzia che pliras persunas sajan blessadas en in'abitaziun a la Beatenbergstrasse ad Unterseen. La polizia haja chattà trais persunas grev blessadas. Malgrà la reanimaziun sajan duas persuna mortas anc en il lieu, ina persuna en l'ospital.

I sa tractia tar las trai persunas dad in pèr maridà e dad in confamigliar da la dunna. Quai ha communitgà la Polizia chantunala da Berna. I na dettia nagins indizis che terzas persunas sajan stadas involvidas.

RR novitads 11:00