Siglir tar il cuntegn
cuntegn

Svizra Trais emnas intensivas van a fin

Ils parlamentaris a Berna han serrà giu en tut 10 fatschentas, tranter auter l’iniziativa «No Billag». Plinavant ha il parlament approvà in credit da 900 milliuns francs per il program d’armament da l’armada. Er approvà ha el la lescha davart gieus per daners.

Purtret da la chasa federala a Berna.
Legenda: La sessiun a Berna è ida a fin oz en damaun. Keystone

A l'iniziativa dal pievel «No Billag» cusseglian tant il Cussegl naziunal sco era il Cussegl dals stans da dir na. Quai cun 129 cunter 33 vuschs en il Cussegl naziunal e cun 40 cunter 2 vuschs en il Cussegl dals chantuns. Proxim onn vegn l'iniziativa avant il pievel.

Sco il Cussegl naziunal ha era il Cussegl dals chantuns approvà la contribuziun da 2,1 milliardas francs per cumprar armament e material e per las immobiglias da l’armada. 900 milliuns èn per il program d'armament.

Cun 124 cunter 61 vuschs ha il Cussegl naziunal e cun 43 cunter 1 vusch il Cussegl dals chantuns approvà la lescha davart gieus per daners. Questa lescha lubescha a Casinos svizzers da porscher gieus da cletg en l'internet. Plinavant vegn tras questa lescha er pussibilità da bloccar l'access a paginas da l'exteriur.

La sessiun d’enviern cumenza ils 27 da november.

RR novitads 11:00