Siglir tar il cuntegn

Header

Navigaziun

Uffants en ina canorta
Legenda: Per uffants en tgira externa vul il Cussegl federal pussibilitar dapli deducziuns. Keystone
cuntegn

Svizra Trair giu dapli per la tgira d’uffants externa

Il Cussegl federal vul augmentar la deducziun da taglia per ils custs da la tgira d'uffants externa. El vul dublegiar la deducziun maximala tar la taglia federala.

Sco quai ch'il departament da finanzas communitgescha, pon geniturs trair giu ozendi per la tgira d'uffants fin a 10'100 francs per uffant da la taglia federala. Il Cussegl federal vul uss augmentar questa summa sin 25'000 francs. Fin l'avrigl 2017 elavura il Departament federal da finanzas in sboz da consultaziun. Pli autas deducziuns da taglia per ils custs da la tgira d’uffants externa duai dentant era dar en ils chantuns.

La raschun per la proposta dal Cussegl federal e l’iniziativa per dapli persunal qualifitgà. Cun las deducziuns da taglia pli autas vul el cunzunt motivar dunnas da puspè ir a lavurar per gudogn.

RR novitads 15:00