En consequenza da l'affera da l'Auto da posta, pervia da cugliunarias da subvenziuns, duai uss dar novas mesiras. Il Cussegl naziunal ha da principi approvà la proposta dal Cussegl federal.
Uschia vala in scumond da far gudogn per interpresas da transport en il traffic regiunal. Plinavant vegn fixà tge che capita cun surplis planisads. Uschia ston almain dus terzs da quels, vegnir duvrads per far reservas specialas, uschia ch'ins po cuvrir perditas eventualas da l'avegnir.
Sco proxim decida il Cussegl dals chantuns davart la fatschenta.
