Siglir tar il cuntegn
cuntegn

Svizra Traffic da Tschuncaisma

Il traffic avant il tunnel dal Gottard envers nord tschessa ed en Grischun è la situaziun puspè sa normalisada.

In'autostrada cun bler traffic en ina direcziun.
Legenda: Traffic da Tschuncaisma. Keystone

Tenor servetschs da traffic datti actualmain anc ina colonna dad 1 kilometer lunghezza avant il tunnel dal Gottard en il Tessin. Tgi ch’è sin via en direcziun nord sto quintar cun temps da spetga da circa 15 minutas.

Il traffic da Tschuncaisma ha procurà era oz per colonnas sin las vias svizras, surtut avant il tunnel dal Gottard en direcziun nord. En il Grischun ha il traffic oz suentermezdi stagnà sin la A13 tranter Giuvaulta e Rehanau, sco era tranter Zezras e Sargans e medemamain sin la via principala dasperas tranter Cazas e Domat. Raschun per quai è stà la surchargia dal traffic. Era tranter Fideris e Schiers en direcziun da Landquart stagneva il traffic.

RR novitads 15:00