Siglir tar il cuntegn

Header

cuntegn

Traffic Accidents cun selvaschina custan 50 milliuns ad onn

En Svizra procuran accidents cun selvaschina mintg'onn donns da radund 50 milliuns francs. Questa stimaziun fa l'assicuranza Axa Winterthur en ina communicaziun. Sulet l'Axa survegna mintg'onn passa 3'000 annunzias d'accidents cun selvaschina che procurian per custs dad 11 milliuns francs.

Zunt aut è il ristg d'ina collisiun cun in animal selvadi en il Grischun, Giura, Friburg ed en la Turgovia. En quests chantuns saja il ristg fin a 7 giadas pli auts ch'en auters chantuns. Il pli malsegir sajan ils mais october, november e december. Cun ils dis curts sajan ils animals savens sin via il medem temp sco automobilists. Ins duess pervia da quai adattar la spertadad, spezialmain la damaun u la saira.

I saja impurtant da contactar la polizia tar in accident cun selvaschina, di Michael Pfäffli, il manader da la perscrutaziun d'accidents tar l'Axa. Perquai che lezza possia mobilisar il guardaselvaschina che po s'occupar da l'animal.

2020 hai dà 89 blessads tar accidents cun selvaschina.

Ord l'Archiv

Il lockdown ha era gì influenza sin ils accidents cun selvaschina en il Grischun.

video
Selvaschina sin via è da quest temp normal
Or da Telesguard dals 23.03.2021.
laschar ir

RTR novitads 20:00

Artitgels legids il pli savens

Scrollar a sanestra Scrollar a dretga