Siglir tar il cuntegn
Inhalt

Svizra TPV e taglia federala – limitaziuns dispitaivlas

Il Cussegl federal vul pudair incassar senza limitaziuns la taglia sin la plivalur e la taglia federala directa.

L’isch d’entrada da l’Administraziun federala da taglias.
Legenda: Tar las taglias sa mussa anc savens in foss classic tranter las partidas burgaisas e las partidas sanestras. Keystone

En il parlament pudess questa proposta però fruntar sin resistenza. La PCD, la PLD e la PPS refusan numnadamain l'ordinaziun da finanzas 2021. Questas partidas na vulan betg tschentar ora al Cussegl federal in schec en blanco. Sustegn datti sulettamain da la vart sanestra.

I dovra ina midada da la constituziun

La limitaziun da questas taglias è fixada en la constituziun. Senza midar quella na po la Confederaziun betg pli incassar las taglias a partir dal 2021, e quai vul il Cussegl federal evitar.

Betg l'emprima giada

Gia 3 giadas ha il Cussegl federal empruvà, da midar las taglias limitadas en taglias senza limitaziun. Tuttas 3 emprovas dals onns 1977, 1979 e 1991 han dentant fatg naufragi a l’urna.

RR Novitads 10:00