Top-managers ston strenscher la tschinta

En Svizra èn las pajas dals top-managers sin il sectur da finanzas e farmazia sa reducidas per la mesadad dapi la crisa da finanzas. Quai mussa in'analisa da las 20 interpresas dal SMI, l'index dal martgà svizzer.

Joseph Jimenez

Legenda da maletgs: Pli pauc paja Joseph Jimenez gudogna anc 12,7 milliuns francs, ses antecessur Vasella incassava prest 30 milliuns l'onn. Keystone

Entant che Daniel Vasella, l'anteriur CEO da Novartis incassava il 2007 anc 29,9 milliuns francs l'onn, gudogna ses successur Joseph Jimenez anc 12,7 milliuns.

Ina sumeglianta situaziun sa preschenta tar il concurrent Roche, però er tar las bancas. L'anteriur schef da l'UBS, Marcel Ospel ha gudagnà il 2006 passa 26 milliuns, Sergio Ermotti vegn oz anc sin 11,2 milliuns.

RR novitads 10:00